आहार

अमृता देशपांडे या आहारतज्ज्ञ, मानसोपचारतज्ज्ञ आणि मराठी साहित्यक्षेत्रातील सुप्रसिद्ध लेखिका म्हणून परिचित आहेत. विविध दिवाळी अंकांमध्ये त्यांचे लेख प्रकाशित झाले आहेत. अनेक पुस्तकांचं संपादनही त्यांनी केलं आहे. जीवशास्त्र, मानसशास्त्र, वैद्यकशास्त्र, अन्न आणि आहार या विषयांवर अच्युत गोडबोले यांच्यासह शरीर, सजीव, अन्न, डिप्रेशन, वैद्यकायन, भन्नाट शोध, भन्नाट वैद्यक आणि षड्रिपू अशी 8 पुस्तकं लिहिली आहेत. अर्नेस्टो चे गव्हेरा याच्या मोटारसायकल डायरीज, नोबेल पारितोषिक विजेत्या डॅनियल कानेमन यांच्या ‌‘थिंकिग फास्ट अँड स्लो‘ यासह 6 जगप्रसिद्ध पुस्तकांचं भाषांतर केले आहे. त्या अनेक प्रतिष्ठित वर्तमानपत्रांत नियमितपणे स्तंभलेखन करतात. त्यांना अत्यंत मानाची साहित्यासाठीची 2023ची ‌‘शरद पवार इन्स्पायर फेलोशिप‘ मिळाली आहे, तसेच लिखाण आणि एकंदर साहित्यक्षेत्रातल्या योगदानाबद्दल मराठी विज्ञान परिषदेसहित अनेक पुरस्कार मिळाले आहेत. रोटरी क्लब आणि नगरकर युथ फाउंडेशनतर्फे दिला जाणारा 2024चा नारीशक्ती पुरस्कारही त्यांना मिळालेला आहे.